ಸುಖವಾದರು ಬರಲಿ

ರಾಗ || ಸುರುಟಿ               -                     ತಾಳ || ಆದಿ

ಸುಖವಾದರು ಬರಲಿ

ಈಕ್ಷಣ ದು:ಖವಾದರು ಬರಲಿ

ಅಕಲಂಕ ಚರಿತನು ಸಕಲ

ರಕ್ಷಕನು ಮಕರಾಂಕರಿಪು ಶಿವ

ಸಖನಾಗಿರುತಿರೆ                                                     || ಪ ||

ಬಾಳಬಲ್ವನೆನಲಿ

ಮೂರ್ಖನು ಖೂಳನು ಇವನೆನಲಿ

ಕಾಲಕಾಲ ಕರುಣಾಲವಾಲನ

ನೀಲಕಂಠನ ನಾಮ ನಾಲಗೆಯಲ್ಲಿರೆ                            || 1 ||

ನಿಂದಿಸಿದವರುಗಳು

ಗುರುಗಳು ಬಂಧು ಬಾಂಧವರವರು

ಸಿಂಧುರ ಬಂಧುರ ಚರ್ಮಾಂಬರನ-

ರ್ಧೇ ಂದುಮೌಳಿ ತಾ ಬಂದು ರಕ್ಷಿಸುತಿರೆ                    || 2 ||

ದೊರೆ ಮುನಿದರೇನು 

ಮರ್ತ್ಯರು ಜರೆದು ನುಡಿದರೇನು 

ಸುರರು ದಾನವರು ಮುನಿದರಂಜುವೆನೆ

ವರ ಕೆಳದಿಯ ರಾಮೇಶ್ವರನು ರಕ್ಷಿಸುತಿಹರೆ                  || 3 ||