ರಾಮೇಶ್ವರನ ಸ್ತುತಿ

ರಾಗ: ತೋಡಿ   :   ಝಂಪೆ ತಾಳ

ಇನ್ನೇನು ಗತಿ ಎನಗೆ ಈ ಉದರ ಪೋಷಣಕೆ

ನಿನ್ನ ಸೇವೆಯನಿತ್ತು ಸಲಹೋ ರಾಮೇಶ                                       || ಪ ||

ಊರೂರ ತಿರುಗಿ ಭಿಕ್ಷವ ಬೇಡಲಾರೆ ನಾಂ-

ಘೋರ ವಿಷವನು ಮೊದಲೆ ಕುಡಿಯಲಾರೆ

ನೀರ ಹೊರಲಾರೆ ಬಾಗಿಲು ಕಾಯಲಾರೆ                                       || 1  ||

ಧರಿಸುವರೆ ವಸ್ತ್ರವಿಲ್ಲದೆ ಲೋಕದೊಳ್ ದಿಗಂ-

ಬರನಾಗಿ ನಿನ್ನಂತೆ ಚರಿಸಲಾರೆ

ಕರಿವ್ಯಾಘ್ರ  ಚರ್ಮವನು ಪೊದೆದು ವರ್ತಿಸಲಾರೆ

ಧರೆಯರಿಯೆ ನಟನಾಗಿ ಕುಣಿದಾಡಲಾರೆ                                       || 2 ||

ಚಲ್ಲೆದ್ದು ಕುಂಟಣಿತನವ ರಚಿಸಲಾರೆ ನಾ

ಮಲ್ಲಗಾಳಗವ ನಾ   ಮಾಡಲಾರೆ

ಕಲ್ಲೆದೆಯದೇಕೋ ಕೆಳದಿಯ ಪುರಾಧೀಶ್ವರನೆ

ಫುಲ್ಲಶರಮದ ಭಂಗ ರಾಮಲಿಂಗೇಶ                                    || 3 ||